2024 шеран эсаран беттан 22 дийнахь Азамат-Юьртара йуккъерачу школехь дIайаьхьира "Нохчийн меттан,  литературин хьехархойн корматаллин говзалла (компетентность) лакхайаккхаран некъаш" цlе йолу практически семинар.

Семинаре кхайкхина бара Гуьмсан муниципальни кlоштан ишколашкара нохчийн меттан, литературин хьехархой.

Хьехархочо Дуруева Хасмохьмадан Мадинас 6-чу классехь йелира "Лааме а, лаамаза а билгалдешнаш" цlе йолу нохчийн меттан урок.

Кlоштахь а, республикехь а дика бевзаш, шайн балха тlехь зеделларг долуш болчу хьехархоша лаккхара мах хадийра хьехархочо урокашкехь дешархошца цхьаьна къахьоьгуш биначу белхан. Ишколан куьйгалхочо Ахмадов Ризванан Ташухьаьжас даггара баркалла элира хьешашна шаьш долчу бахкарна а, урокан иштта лакхара мах хадорна а.

Нохчийн мотт ларарехь, цуьнга болу безам кхиорехь йеш йолу муьлхха а мероприяти шайна мехала хетарх лаьцна дийцира цо.

Гуьмса кIоштан методикин цхьаьнакхетаран куьйгалхочо Абдуразаков Ибрехlиман Шертбека а, кlоштан дешаран урхаллин методикин кхачойаран отделан методисто Салманиева Султанан Индирас а баркалла элира Азамат-Юьртарчу йуккъерачу ишколан куьйгалхошна семинар вовшахтохарна а, дlайахьаран хьелаш кхолларна а.